Қазақ мемлекеттік циркі Алматы қаласы Мәдениет басқармасының қолдауымен «Цирктің ғажайып әлемі» халықаралық көрмесінде қазақ циркінің жарты ғасырлық тарихын (костюмдер, құнды жәдігерлер, ескі афишалар, марапаттар) көрсетті. Бұл көрме Будапешттегі XV-Халықаралық цирк фестивалі аясында өткізілуде. Алматы циркі Bouglione (Франция) Krone (Германия) Ю.Никуллин циркі (Ресей) CEDAC (Италия) Г.Цинизелли атындағы циркі (Санкт-Петербург) Medrano (Италия) Roncalli (Германия) Budapest (Венгрия) сияқты әлемдік цирктермен қатар өз тарихын көрсетті. Көрме аясында 12 мемлекет цирк өнерін дамыту туралы меморандумға қол қою рәсіміне Қазақстан Республикасының Венгриядағы Өкілетті Елшісі Ж.Ж.Әбдірашов қатысты.
