2026 – Жылқы жылы. Қазақ халқы үшін жылқы – еркіндіктің, рух пен бірліктің символы. Көшпенді өмір салтымен біте қайнасқан бұл киелі жануар тарихта да, тұрмыста да айрықша орын алады. Тарихшылардың айтуынша, жылқы жылы қазақ танымында берекелі кезең саналады. Бүгінде бұл дәстүр жалғасын тауып, ат спорты жастар арасында кең таралуда. Қауіп пен жауапкершілігіне қарамастан, ұлттық спортқа бет бұрған нәзік жандылар да көбейіп келеді. Жылқы жылы – өткен мен бүгінді жалғаған рухани сабақтастықтың айқын көрінісі.
