«Құрмет» орденінің иегері Дәулет Досбатыровтың жетекшілігімен «Аманат» әуе беллбеуінің дуэті — Данат пен Данали Досбатыровтар Ю.Никулиннің Мәскеу циркінде өткен «Артист» II Халықаралық цирк фестивалінде «Юниор» күміс жүлдесін алды.
Балалар Испания, Әзірбайжан және Өзбекстаннан келген марапаттарды қоса алғанда, халықаралық ұйымдардың төрт арнайы сыйлығымен марапатталды. Сондай-ақ режиссер, Ресейдің еңбек сіңірген өнер қайраткері Александр Гримайлоның арнайы сыйлығы да берілді.
Данат 10 жаста, ал Данали небәрі 8 жаста,олар фестивальдің ең жас қатысушылары болды. Фестивальге 17 елден 87 артист жиналды. Гала-шоуда көрермендер дуэттің нөмірлеріне қошемет көрсетті, бұл бүкіл команда үшін үлкен мақтаныш болды! Жас талантты әртістерді құттықтаймыз және оларға табыс тілейміз!