Алматыда Алматы қаласы әкімдігінің қолдауымен «Алматының 8 кереметі» атты ауқымды мерекелік бағдарламасы өтуде. Цирк әртістері жаңа жылдық мерекелік іс-шараларға белсене қатысты. Жаңа жыл қарсаңында Абай, Арбат және Астана алаңдарында мерекелік цирк шоуы өтті.
Осы күндері Тұңғыш Президент саябағында мұз айдынында интерактивті театрландырылған цирк шоуы болды. Балалар мен ересектердің қатысуымен ойындар да өткізілді. Күн сайын «Нұрлы Тау» БО жанында жаңа жылдық цирк шыршасы ұсынылып, оған «Шыңға өрлеу» әлеуметтік орталығының, «Сенім» әлеуметтік қызмет көрсету орталығының, «Жанұя» балалар үйінің 120 баласы белсене қатысып, балаларға жаңа жылдық сыйлықтар табысталды. Сонымен қатар Цирк шеберлік сағаттары Астана алаңында, Жүргенов атындағы ҚазҰӨА жанында және Арбатта өтті. Цирк әртістері балаларға цирк өнерінің негіздерін үйретті. Балаларға жаңа жылдық сыйлықтар табысталды. Үш күн ішінде 1 743 бала шеберлік сағаттарына қатысты.
