Қазақ мемлекеттік циркінің әртістері Қала күнін мерекелеу аясында қала тұрғындары мен қонақтарына «Ашық аспан астындағы цирк» атты ауқымды шоу ұйымдастырды. Қойылым ашық аспан астында өтті және оны кез келген көрермен тамашалауға мүмкіндік алды.
Гран-при иегерлері мен халықаралық цирк фестивальдерінің алтын жүлдегерлері трапеция мен ауа гамактарында таңғажайып акробатикалық трюктар мен керемет қойылымдар көрсетті.
Сондай-ақ, көтеріңкі көңіл күй мен позитив сыйлайтын клоундар, гимнасттар мен жонглерлер өнер көрсетті.